Ledian Memushaj konfirmohet sërish si një element tepër i rëndësishëm për Peskarën, në luftën e klubit italian për ngjitje në Seria A.

Mbrëmjen e sotme, ekipi i mesfushorit vlonjat, luan në shtëpi përballë Peruxhias, dhe gjendet në fitore 1-0. Dhe golin e ka shënuar pikërisht Memushaj, në minutën e 29-të.

Pas një goditje dënimi, topi u përplas në mur dhe shkoi tek Memushaj që gjendej aty, si një kandidat për të goditur edhe ai goditjen e dënimit. Mesfushori i Kombëtares, nuk u mendua dy herë nga topi i kthyer, dhe me një të djathtë të menjëherëshme, shtangu portierin kundërshtar duke tundur rrjetën.

Missile terra-aria di Ledian Memushaj.#PescaraPerugia #PESPER pic.twitter.com/iUQGpLu6cf

— Giacomo Moccetti (@GiacomoMoccetti) April 12, 2019