Rep-artistët e njohur të estradës shqiptare, Capital T dhe Ledri Vula, janë prej më të pëlqyerit ndonjëherë.

Kjo vjen, pasi dyshja gjithmonë janë aktiv në prurjen e projekteve të reja, të cilat përçojnë energji pozitive tek fansat.

Së fundmi reperët kanë qenë në një linjë të drejtpërdrejt në rrjetin social Instagram, ku kanë folur rreth albumit të Capital T, “Skulpturë”.

Gjatë kësaj paraqitjeje ata kanë konfirmuar bashkëpunimin e tyre, i cili do të publikohet gjatë kësaj jave.

Një gjë të tillë e kanë bërë të ditur që të dy, duke shkëputur pjesë nga videot ku ishin shfaqur së bashku.

Ndërkaq, në bisedën e zhvilluar mes njëri-tjetrit, Ledri dhe Kapo cituan se si kanë sjellë sërish në trend publikimin e albumeve.