Sulmuesit Anthony Martial e Romelu Lukaku kanë kërkuar largimin nga ekipi anglez, pasi duan të luajnë në një kampionat tjetër, raporton “Daily Mail”.

Martial 23-vjeçar, ka kontratë deri në vitin 2024 derisa Lukaku 25-vjeçar, deri më 2022.

Që të dy tashmë kanë marrë oferta nga ekipet në Serie A dhe La Liga, kampionate që i kanë tërhequr për të vazhduar karrierën.

Martial ka 12 gola në 36 ndeshje dhe kartoni i tij vlerësohet rreth 60 milionë euro, ndërsa, Lukaku në 43 paraqitje ka realizuar 15 gola dhe kushton rreth 80 milionë euro.