Gjest heroik i doktorit dhe fizioterapeutit mitrovicas: E shpëtojnë një burrë që pësoi sulm në rrugë

Një burrë në moshë nga Mitrovica pësoi sulm teksa ecte, dhe ra përtokë afër urës së Ibrit.

Për fat të mirë në vendin e ngjarjes qëlluan dy profesionistë të cilët i dolën në ndihmë, shkruan Reporteri.

Doktori Gazmend Arifi dhe Fizioterapeuti Orhan Shabani, vepruan shpejt dhe arritën t’ia shpëtojnë jetën burrit nga Mitrovica.

Siç shihet në pamjet e siguruara nga Reporteri, këta të dy, për disa minuta, u kujdesën për t’ia dhënë ndihmën e parë derisa erdhi emergjenca.

Pacienti shpëtoi falë tyre, dhe tani ekipet emergjente po merren me të. /Reporteri.net