Presidenti ukrainas, Volodymyr Zelensky ka bërë një mesazh publik në finalen e madhe të Eurovision-it, e cila po zhvillohet sonte në Torino të Italisë.

Nëpërmjet një video në Telegram Zelensky i bën thirrje Europës të votojë për Ukrainën.

“Së shpejti në finalen e Eurovisionit , kontinenti dhe e gjithë bota do të dëgjojnë fjalët e gjuhës sonë. Dhe besoj se në fund kjo fjalë do të jetë ‘Fitore’! Evropë voto Orkestrën Kalush “, tha Zelensky.

Apeli i Presidentit të Ukrainës Zelensky pason lajmet e raportuara më herët sot, të shtunën, 14 maj, kur u raportua se trupat ruse të vendosura në Pidvysoke Ukrainë po zhvendosen në Horokhovatka, Ukrainë.

Përndryshe, Kalush Orchestra janë brohoritur me duartrokitjet më të zjarrta në mbrëmjen finale të konkursit evropian të këngës.