Zyrtarët serbë e kanë përsëritur se vazhdimi i dialogut me Prishtinën mund të bëhet vetëm pas themelimit të Asociacionit të komunave me shumicë serbe.

Kryetari i të ashtuquajturit Komision Parlamentar për Kosovën në Kuvendin e Serbisë, Millovan Drecun tha sot se nuk ka vend për propozime të tjera për Asociacion, sepse sipas tij Marrëveshja e Brukselit ka përcaktuar saktësisht se çfarë duhet bërë për formimin  e tij, transmeton Reporteri.

Ai po ashtu shtoi se nuk ka vazhdim të dialogut dhe kthimin e serbëve në institucione derisa të formohet Asociacioni dhe pastaj vijnë diskutimet për propozimin evropian.

“Nuk ka vazhdim të dialogut dhe kthimin e serbëve në institucionet e Prishtinës derisa të formohet Asociacioni dhe pastaj të diskutohet për propozimin evropian”, tha Drecun për RTS.

Një deklaratë të ngjashme dje e kishte bërë edhe Ministri i Jashtëm Serb, Ivica Daçiq.