Operatorët e ekspeditës janë të shqetësuar për numrin e trupave të alpinistëve që po shfaqen në malin Everest, derisa akullnajat po shkrihen, si pasojë e ngrohjes globale.
Gati 300 alpinistë kanë vdekur në kulmin e përpjekjeve për t’u ngjitur, ndërsa dy të tretat e trupave mendohet se ende janë të varrosura në dëborë dhe akull.
Trupat po hiqen në anën kineze të malit, në veri, ndërsa po fillon sezoni i ngjitjes pranverore, shkruan BBC, përcjellë në shqip Reporteri.net.
“Për shkak të ngrohjes globale, sipërfaqe të akullnajave janë duke u shkrirë shpejt dhe trupat e vdekur që kanë mbetur të varrosura gjatë gjithë këtyre viteve tashmë janë duke u shfaqur”, tha Ang Tshering Sherpa, ish-president i Shoqatës së Alpinistëve Nepal.
“Ne kemi tërhequr trupat e disa alpinistëve që vdiqën në vitet e fundit, por ka ende trupa të vjetër që kanë mbetur të varrosur dhe që tani po dalin”.
Dhe një oficer i qeverisë që është punësuar si një oficer ndërlidhës në Everest shtoi: “Unë vetë kam tërhequr rreth 10 kufoma të vdekur në vitet e fundit nga vende të ndryshme në Everest po është e qartë që gjithnjë e më shumë po dalin tani”. /Reporteri.net/.