Presidentja e Greqisë, Katerina Sakellaropoulou, pas takimit që ka zhvilluar me presidentin e Serbisë, Aleksander Vuciq kanë mbajtur një konferencë për media.

Ajo ka thënë se Serbia i takon familjes evropiane dhe ka shtuar se Greqia mbështet dialogun në mes të Kosovës dhe Serbisë që synon normalizimin e marrëdhënieve në mes të dy shteteve.

Megjithatë Sakelaropoulou ka ritheksuar qëndrimin e saj të shprehur dje në Athinë se “pozicioni grek për Kosovën mbetet i pandryshueshëm”.

“Ne mbështesim bisedimet e fundit. Qëllimi ynë është të forcojmë pozitën ekonomike të Serbisë. Qëndrimi ynë për Kosovën mbetet i pandryshuar”, ka thënë presidentja greke.