Presidenti i Serbisë, Aleksandër Vuçiq ka biseduar në telefon me këshilltarin special në Departamentin e Shtetit Amerikan, Derek Chollet.

Sipas raportimit të mediave serbe, temë e diskutimit ka qenë Kosova, bashkëpunimi dypalësh  SHBA-Serbi si dhe situata në rajon.

”Vuçiq dhe Chollet, u pajtuan se marrëdhëniet serbo-amerikane po zhvillohen në një drejtim të mirë, veçanërisht në fushën e bashkëpunimit ekonomik, siç dëshmohet nga rritja e shkëmbimeve tregtare, njoftoi shërbimi për bashkëpunim me mediat i Presidentit të Serbisë”, specifikon Tanjug, përcjell Reporteri.net.

Siç raporton media serbe  Vuçiç vuri në dukje se fluturimet e Air Serbia midis Beogradit dhe Çikagos, të nisura më herët gjatë ditës, do të rrisin më tej lidhjet Serbi-SHBA.

Chollet tha se ishte e nevojshme të shmangeshin provokimet dhe konfliktet dhe se ishte e rëndësishme të vazhdohej të punohej për normalizimin, shkruan Tanjug./Reporteri.net./