Protesta e tretë e Serbisë kundër dhunës u mbajt mbrëmë në Beograd dhe zgjati më shumë se tetë orë.

Në këtë protestë dolën mijëra qytetarë që kërkonin ndryshime politike në Serbi.

Siç raporton Danas, protesta u mbajt deri pas mesnate, derisa kishte thirrje që protestuesit të qëndrojnë në autostradë tërë natën.

“Vendimi për t’i lënë protestuesit të qëndrojnë në autostradë derisa presidenti i Serbisë dhe SNS-së Aleksandar Vuçiq të japë dorëheqjen është vazhdim i presionit ndaj qeverisë”, tha profesori i Fakultetit të Shkencave Politike, Gjorgje Paviçeviq.

Siç tha ai, tubimi ishte mbresëlënës dhe se kjo pjesëmarrje e njerëzve frymëzon besimin se në Serbi duhet të ndiqet një politikë tjetër.

“Qeveria duhet të kthehet në anën tjetër dhe të dëgjojë qytetarët dhe partitë e tjera”.

Pjesëmarrës në këtë protestë ishin edhe nxënës të gjimnazeve, që dolën në rrugë bashkë me profesorët e tyre.

Në rrjetet sociale u bë thirrje edhe për dorëheqje.