Këshilltari i lartë i Departamentit Amerikan të Shtetit, Derek Chollet, ka biseduar dje me presidentin e Serbisë të cilin thotë se e ka “inkurajuar” që t’i nxisë serbët e Kosovës për qetësi.
Në një postim në Twitter, Chollet tha se nga Vuçiqi ka kërkuar po ashtu që të ndërmarrë hapa për të ndihmuar qetësimin e krizës në veri të Kosovës
“Inkurajova presidentin Vuçiq dje për të kërkuar qetësi mes serbëve të Kosovës, për të ndërmarrë hapa për të ndihmuar në zbutjen e krizës në veri të Kosovës dhe për t’u kthyer në rrugën e normalizimit dhe angazhimit konstruktiv në Dialogun e lehtësuar nga BE-ja”, ka shkruar Chollet.