Një person është plagosur në një xhami në periferi të Oslos dhe sipas policisë i dyshuari është arrestuar.

Të shtënat ndodhën në orët e para të 11 gushtit në qendrën islamike al-Noor në qytetin Baerum, në periferi të Oslo në Norvegji. Policia tha se nuk kishte asnjë indikacion se ishin përfshirë më shumë njerëz.

Viktima ishte një anëtar 75-vjeçar i kongregacionit, tha drejtori i xhamisë Irfan Mushtaq.

“Burri mbante dy armë, një armë gjahu dhe një pistoletë. Ai theu derën prej qelqi dhe qëlloi”, tha ai. “Një person është qëlluar.

Nuk dihet ende gjendja e viktimës. Një i dyshuar është arrestuar. Policia po punon në atë vend”, tha policia e Oslos në “Twitter”.

Ata thanë se nuk kishin asnjë informacion në lidhje me të dyshuarin, përveç se ai ishte përshkruar si “i bardhë”.