Superstuhia që kaloi mbrëmë nëpër Serbi shkaktoi  lëndime në njerëz, e dëme të mëdha materiale.

Siç raportojnë mediat atje, është mbyllur përkohësisht edhe aeroporti “Nikola Tesla”, si dhe ka pasur vështirësi në funksionimin e trafikut hekurudhor.

Anëtarët e Departamentit për Situata Emergjente evakuuan 40 persona, ndërsa disa pjesë të vendit mbetën pa energji elektrike, transmeton gazeta online Reporteri.net.

Reklamë
Foto: Amir Hamzagic/ATAImages

Në Sremska Mitrovicë, si pasojë e motit të keq, dy persona janë lënduar rëndë  dhe po trajtohen në spital.
Foto: Beta/Vladimir Tomić

Aty është shpallur edhe gjendje e jashtëzakonshme.

Stuhitë mbrëmë kanë përfshirë edhe Kroacinë, Bosnjën e Slloveninë, ku në total u shënuan pesë viktima e shumë persona të tjerë u lënduan. /Reporteri.net/