Në qytetin Gradaçac të Bosnjë-Hercegovinës ka ndodhur sot një krim i rëndë, ku të paktën tre persona kanë mbetur të vrarë, tha Prokuroria e Kantonit të Tuzlës. Kërkimi i policisë për vrasësin vijon, ndërsa të gjitha daljet nga vendi janë të bllokuara.
Sipas mediave në Bosnje dhe Hercegovinë, njeriu që po kërkojnë është Nermin Sulejmanoviç. “Dnevni Avaz” shkruan se bëhet fjalë për një bodybuilder dhe trajner fitnesi.
I dyshuari ka postuar një video me përmbajtje jashtëzakonisht shqetësuese në rrjetin social Instagram, duke u thënë shikuesve se do të shohin një vrasje live.
“Këtu mund ta shihni drejtpërdrejt se si duket vrasja”, është shprehur ai.
Më pas, dyshohet se në video shihet ai duke marrë armën dhe duke gjuajtur një plumb në ballin e një gruaje, ndërsa dëgjohet edhe klithma e një fëmije që ndodhej në afërsi.
Për shkak të krimit brutal në Gradaçac, policia ka bllokuar një pjesë të madhe të këtij qyteti.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.