Pas Malit të Zi, edhe Maqedonia e Veriut i ka reaguar ministrit të brendshëm të Serbisë, Millosh Vuçeviq, i cili ka kërcënuar vendet e rajonit për shkak të njohjes së Kosovës.

“A flenë të qetë miqtë tanë në Maqedoninë e Veriut? A fleni të qetë? Ata mendojnë se janë në paktin e NATO-s dhe i kanë zgjidhur problemet e tyre me të. Kjo është mantra e Malit të Zi dhe Maqedonisë së Veriut. Kur ata u bënë anëtarë të asaj sigurie kolektive, pra aleancës së NATO-s, mendojnë se i kanë zgjidhur të gjitha problemet e tyre dhe se asgjë nuk mund t’u ndodhë”, kishte thënë Vuçeviq.

Këto ”vërejtje“, ministri i Jashtëm i Maqedonisë të Veriut, Bujar Osmani i ka cilësuar si të papërshatshme.

Ai ka thënë se Maqedonia e Veriut është për paqe në rajon.

”Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinj. Ne qëndrojmë për stabilitet dhe bashkëpunim rajonal, duke përfshirë Serbinë dhe Kosovën. Në pritje të sqarimit nga ministri i Mbrojtjes i Serbisë”, ka shkruar ai në Twitter, transmeton Express.

North Macedonia rejects interference and unsuitable remarks from neighboring officials. We stand for regional stability and cooperation, including with Serbia and Kosovo. Awaiting clarification from Serbia's Defence Minister.

— Bujar Osmani (@Bujar_O) August 21, 2023

Beogradi vazhdon ta mohojë pavarësinë e Kosovës, përkundër se shteti i Kosovës është njohur nga më shumë se 100 shtete.

Haradinaj i reagon Ministrit të Vuçiqit: Mos të harrojë që ka një marrëveshje me Kosovën, të përkrahur nga ShBA

Rama: Të rrezikshme dhe të papranueshme kërcënimet e Beogradit, të mos harrojmë se ne jemi në NATO