Kabineti i presidentit maqedonas, Steve Pendarovski, ka njoftuar se diplomati amerikan, Gabriel Escobar, do të vizitojë Maqedoninë e Veriut.

Siç njofton agjencia MIA, diplomati amerikan në Shkup do të takohet edhe me kryeministrin maqedonas Dimitar Kovaçevski dhe me liderin e opozitës, presidentin e VMRO-DPMNE-së, Hristijan Mickoski.

Escobar do të arrijë në Shkup një javë pasi filloi procedura për ndryshime kushtetuese në Kuvendin e Maqedonisë së Veriut. Me këto ndryshime, ndër të tjera, bullgarët do të duhet të përfshihen në Kushtetutë.

Ndryshimet janë të nevojshme për vazhdimin e procesit të integrimit evropian të Maqedonisë së Veriut.