Menaxhmeti i Trepçës ka suspenduar nga puna Kryetarin e Sindikatës së minatorëve, Ibrahim Jonuzi.

Kjo është konfirmuar për Gazetën Online Reporteri.net nga vetë Jonuzi i cili e cilësoi një vendim të tillë anti-ligjor.

“Është i vërtetë suspendimi nga puna. Arsyetimi ka qenë se unë jam organizatori i kësaj greve, por jemi vetëm ndërmjetësues mes bordit dhe punëtorëve. Është një vendim anti-ligjor që nuk i shërben demokracisë”, tha shkurtimisht Jonuzi për Reporteri.net.

Dje, menaxhmeti i Trepçës publikoi pamje të punëtorve, ku sipas tyre shihet qartë sabotimi dhe bojkotimi i punës.

Menaxhmenti i “Trepçës” nxjerrë disa foto nga kamerat e sigurisë: Në to shihet qartë sabotimi dhe bojkoti i punës nga punëtorët

Sot është dita e shtatë prej kur minatorët e minierës me flotacion kanë hyrë në grevë. Ata po kërkojnë realizimin e pagës mujore me kohë teksa kërkojnë edhe sigurimin e kushteve të punës. Për këto kërkesa ata po kërkojnë garanci me shkrim./Reporteri.net/

Minatorët hyjnë në ditën e shtatë të grevës