Mal Retkoceri me këngën “Çmendur”, ka fituar edicionin e 62-të të Festivalit të Këngës në Radio Televizionin Shqiptar, shkruan Reporteri.net.

Kënga “Çmendur” është kompozuar nga vet Mali, i cili njashtu ka shkruar edhe vargjet e tekstit dhe ka realizuar edhe orkestrimin.

Mal Retkoceri i cili me profesion është arkitekt, në publikun shqiptar është i njohur gjegjësisht edhe si djali i këngëtares së njohur popullore, Violetë Kukaj.

Kjo është pjesëmarrja e parë e tij në këtë festival dhe njëherësh “Çmendur” është edhe debutimi i tij i parë në muzikë.

Kujtojmë se më e votuara nga publiku e cila rezultoi edhe me biletën e përfaqësimit në Eurovision 2024, u shpall këngëtarja Besa Kokëdhima me këngën “Zemrën n’dorë”.

Plot 22 finalistë u ngjitën në skenën e madhe të Pallatit të Kongreseve, për të interpretuar live këngët e tyre konkurruese, shoqëruar nga orkestra simfonike e RTSh-së. /Reporteri.net/.