Mbretëresha e Britanisë së Madhe, Elizabeta II, ka aprovuar kërkesën e Qeverisë britaneze për të pezulluar punën e Parlamentit britanik në mes të një krize për “Brexit” e cila vazhdimisht po rritet.

Për këtë çështje ka folur të mërkurën kryeministri i Britanisë së Madhe, Boris Johnson, për t’i kërkuar që të pezullojë punën e Parlamentit për një periudhë 1 mujore, shkruan AP, trasnmeton Express.

Ndërkohë një gjë e tillë po kritikohet ashpër nga opozita britanike, pasi sipas tyre Johnoson po tenton të kufizojë mundësitë e Parlamentit për të bllokuar idenë e një Brexit-i pa marrëveshje.

Sipas vendimit të Mbretëreshës, nuk do të ketë sesione parlamentare përgjatë shtatorit. Një e tillë pritet të mbahet nga mesi i tetorit, pasi që data 31 tetor është caktuar edhe si datë për Brexit.