Një ngjarje e tmerrshme ka ndodhur në Bodrum të Turqisë, një vendpushim i preferuar edhe për shqiptarët ku vogëlushja ruse Alice Alyssova, gjersa ishte në pishinë u tërhoq nga pompa e ujit e kësaj pishine dhe u mbajt nën ujë për rreth 15 minuta.

Vogëlushja Alice mbeti nën ujë për rreth 15 minuta derisa arritën ta tërhiqnin së bashku me një pjesë të pompës, transmeton Reporteri.net.

Ndërsa po prisnin ambulancën, ata e ringjallën atë me frymëmarrje artificiale, mirëpo ajo nuk u mbijetoi plagëve të marra dhe 11 ditë më vonë ndërroi jetë.

https://www.youtube.com/watch?v=FxYjYuYou58

Kjo ngjarje e tmerrshme ndodhi më 18 gusht në Hotelin Sunhill. Mysafirët thanë se në kohën e aksidentit në pishinë nuk kishte asnjë roje të vetme të shpëtimit.

Nëna e vajzës fatkeqe, Natalia Adamova, thotë se shtatë persona tjerë dhe burri i saj kanë arritur të thyejnë tubin së bashku dhe të tërheqin vajzën nga pishina.

Në anën tjetër Rusia ka kërkuar të zbardhen rrethanat për këtë tragjedi dhe sigurinë e dobët në hotel dhe të ndëshkohen fajtorët. /Reporteri.net