Që nga fillimi i pandemisë, mjekët kanë identifikuar simptomat kryesore, të cilat tregojnë se mund të jeni prekur nga COVID-19. Ato përfshijnë temperaturën, vështirësitë në frymëmarrje, humbjen e shijes etj. Së fundmi, doktorët në Çikago po paralajmërojnë se një shenjë e re e virusit mund të jetë lemza e shpeshtë.
Një raport i publikuar në American Journal of Emergency Medicine përshkruan rastin e një burri i cili rezultoi pozitiv me virusin, pasi ju drejtua spitalit sepse kishte pasur lemzë për katër ditë. Si fillim, 62 vjeçari nuk kishte asnjë simptomë tjetër.
Sipas The Mirror, kur u shtrua në spital, ai e kishte temperaturën 37.3°C dhe vetëm pak probleme me mushkëritë.
Teksa u izolua pasi rezultoi pozitiv, pati një ngritje temperature në 38.4 °C, por asnjë simptomë të avancuar. Një lemzë e thjeshtë supozohet të zgjasë vetëm disa minuta, por nëse ju shqetëson për disa ditë, mund të jetë shenjë se jeni prekur nga COVID-19.
Mjekët amerikanë sugjerojnë që raste të tilla të konsiderohen për testime. /Reporteri.net