75.54 për qind, apo rreth 15 mijë e 352 qytetarë nga diaspora kanë votuar nëpër përfaqësi diplomatike nga 20 mijë e 324 sa ishin regjistruar.
Kështu ka bërë të ditur zëdhënësi i KQZ-së, Vlamir Elezi në një konferencë për media.
“Siç e kemi përmendur disa herë, nga 104 mijë e 924 votues, pjesa më e madhe e tyre, 84 mijë e 600 kanë votuar përmes postës, dhe 20 mijë e 324 kanë qenë të regjistruar për të votuar fizikisht nëpër përfaqësi diplomatike. Lidhur me votimin jashtë Kosovës, që u përmbyll dje, ju njoftoj se nga 20 mijë e 324 që ishin të regjistruar, në 30 përfaqësi diplomatike kanë votuar 15 e 352 votues apo 75.54 për qind”, tha ai.
Elezi tha se në bazë të informacioneve që kanë nga Posta respektivisht për tetë kutitë postare nga Gjermania, Zvicra, Turqia, Austria, Mbretëria e Bashkuar, Mali i Zi, Maqedonia e Veriut dhe nga posta e KQZ-së në Kosovë numri pakove që janë pranuar në këto kuti postare është 50 mijë e 226.
“Ky numër nuk është përfundimtar pasi që të dhënat nuk janë nga të gjitha kutitë postare”, u shpreh Elezi.
