Që të ishte pjesë e Lëvizjes Vetëvendosje, deputetja e LDK-së, Hykmete Bajrami, thotë se ka marrë oferta nga kjo parti.

Në një intervistë në emisionin “Rubikon” në Klan Kosova, Bajrami tha se këtë ofertë e kishte marrë disa herë ndër vite.

“Unë kam pasur oferta para disa viteve, disa herë me hy në Vetëvendosje. Nuk jam unë në Vetëvendosje, jam në LDK”, tha ajo.
“Por nuk kam hy në Lëvizjen Vetëvendosje. Unë nuk jam Lëvizja Vetëvendosje, unë jam Lidhja Demokratike e Kosovës. Unë nuk lexoj fjalime që m’i shkrun dikush. Unë nuk flas me porosi. Unë nuk dirigjona prej mesazheve. Ne jemi Lidhja Demokratike e Kosovës. Nuk është hera e parë, bre, që deputetët e ndajnë votën. Po na kemi pas raste kur pikërisht kjo zonja që folëm më herët, kryeministrin e Lidhjes Demokratike të Kosovës nuk e ka votu”, deklaroi Bajrami.