Çmimet e naftës u rritën me 1% mëngjesin e sotëm në tregjet aziatike, duke vazhduar trendin në rritje pasi presidenti amerikan Donald Trump deklaroi të mërkurën se marrëveshja e paqes me Iranin “ka marrë fund”.

Rritja e çmimeve vjen pasi Irani ka goditur anije në Ngushticën e Hormuzit, duke rikthyer frikën për ndërprerje të mëtejshme të furnizimeve globale me energji nga Lindja e Mesme.

Nafta e papërpunuar Brent u rrit me 1%, duke arritur në rreth 78.80 dollarë  për fuçi, ndërsa nafta e tregtuar në SHBA u rrit me një normë të ngjashme, në 74.30 dollarë për fuçi.

Çmimi i naftës është afruar me nivelet e mesit të qershorit, përpara se SHBA-ja dhe Irani të njoftonin një marrëveshje të përkohshme për të diskutuar përfundimin e konfliktit.

Megjithatë, çmimet mbeten dukshëm nën nivelet më të larta të regjistruara në fazat e hershme të luftës, kur nafta arriti pothuajse 120 dollarë për fuçi.