Pasi u dënua me burg, ekstremisti i krahut të djathtë u regjistrua si grua transgjinore, Marla-Svenja Liebich. Më pas ai iku në Republikën Çeke dhe, pasi u ekstradua në Gjermani, nuk ishte e qartë nëse do të dërgohej në një burg për burra apo për gra, raporton Deutsche Welle.

Marla-Svenja Liebich – e regjistruar zyrtarisht si grua në Gjermani – do të vuajë dënimin e saj në një burg për burra.

Vendimi u mor nga administrata e burgut të grave në Chemnitz, Saksoni, e cila është përgjegjëse për rastin e Liebich. Pas ekstradimit të saj nga Republika Çeke të mërkurën, Liebich u transferua fillimisht në burgun e Chemnitz.

“Është mirë që burgu e sqaroi situatën shpejt dhe nuk u përfshi në manovra teatrale”, tha Ministrja e Drejtësisë saksone Constanze Geiert në lidhje me vendimin. Politikania nga partia konservatore CDU shtoi se duke e transferuar atë në seksionin e meshkujve, administrata e burgut mori gjithashtu një vendim në favor të sigurisë së grave në sistemin e burgjeve të Chemnitz.

Sipas autoriteteve, Liebich u transferua në burgun Zeithain në Saksoni.

Liebich duhet të vuajë një dënim me burg prej një viti e gjysmë. Gjykata e rrethit në Halle në shtetin e Saksonisë-Anhalt dënoi ekstremistin e krahut të djathtë – i cili në atë kohë ende përdorte emrin mashkullor Sven – në korrik 2023 me një total prej një viti e gjashtë muajsh burg për nxitje të urrejtjes, shpifjes dhe fyerjes.

Liebich ishte planifikuar të fillonte të vuante dënimin e tij në fund të gushtit 2025.

Në fund të vitit 2024, Liebich,  ndryshoi gjininëj nga mashkull në femër.

Liebich u arrestua në Republikën Çeke në fillim të prillit në bazë të një urdhër-arresti evropian. Sipas gazetës Mitteldeutsche Zeitung, ajo mbante veshur rroba burrash dhe kokën e rruar.

Liebich deklaroi pas arrestimit të saj se kishte frikë se mos transferohej në një burg për meshkuj në Gjermani, ku thuhet se jeta e saj do të ishte në rrezik. Megjithatë, gjyqësori çek përfundimisht dha dritën jeshile për ekstradimin.

Rasti Liebich shkaktoi një debat në Gjermani rreth pasojave të mundshme të Aktit të Vetëvendosjes. Ky ligj u lejon individëve të ndryshojnë emrin dhe gjininë e tyre në zyrën e gjendjes civile pa dokumentacion mjekësor.

Qeveria federale nën kancelarin Friedrich Merz, një koalicion i CDU/CSU dhe Social Demokratëve, njoftoi një rishikim të ligjit pasi mori detyrën në maj 2025./Reporteri.net/