Një foto e publikuar ku ambasadorja Vlora Çitaku shihej në një tavolinë me kryeministrin Ramush Haradinaj gjatë vizitës së këtij të fundit në SHBA u cilësua si një ndreqje raportesh mes tyre, pasu kryeministri e quajti Çitakun “ambasadore të Thaçit”.

Por kjo nuk del të jetë e vërtetë. Kryeministri ka bërë të ditur se nuk e ka ftuar në një nga takimet ambasadoren Çitaku por se ajo ka shkuar me dëshirë.

“Kam vërejtjet e mia në çasjen e ambasadorës në disa tema. Nuk e ftova se bëjke edhe pa të, por ajo erdhi dhe e falënderoj. E kam kritikuar për një aspekt temash, por ka bërë punë të mire në Këshillin e Sigurimit”, ka deklaruar Haradinaj në ktv, shkruan Reporteri.net.

Ai tha se e respekton derisa është në atë pozitë dhe për punën që e kryen mirëpo nuk distancohet nga epiteti që ia drejtoi. /Reporteri.net/.