Kuvendi i Kosovës do të mbajë sot seancë të jashtëzakonshme, me fillim nga ora 17:00, shkruan Reporteri.net.

Në rend dite është shqyrtimi i dhjetë projektligjeve, në mesin e të cilave edhe ai për çmimet tavan.

Ky projektligj dhe ai për Sigurimin e Detyrueshëm të Kujdesit Shëndetësor u provua që të futen në rend të ditës edhe në seancën e paradites, por që nuk pati vota të mjaftueshme.

Rendi i ditës:

1. Shqyrtimi i parë i Projektligjit nr.10/L-030 për Masat e Përkohshme të Produkteve Themelore në Raste të Veçanta të Destabilizimit në Treg,

2. Shqyrtimi i parë i Projektligjit nr.10/L-028 për Sigurimin e Detyrueshëm të Kujdesit Shëndetësor,

3. Shqyrtimi i parë i Projektligjit nr.10/L-025 për ndryshimin dhe plotësimin e Ligjit për Kontabilitet, Raportim Financiar dhe Auditim,

4. Shqyrtimi i parë i Projektligjit nr.10/L-026 Projektligjin për Shërbimet e Pagesave,

5. Shqyrtimi i parë i Projektligjit nr.10/L-027 Projektligjin për Lojërat Mesdhetare XXI Prishtina 2030,

6. Shqyrtimi i parë i Projektligjit nr.10/L-021 për Financimin e Menaxhimit të Resurseve Ujore,

7. Shqyrtimi i parë iProjektligjit nr.10/L-022 për Banim Social dhe të Përballueshëm,

8. Shqyrtimi i parë i Projektligjit nr.10/L-023 për Shtetësinë e Kosovës,

9. Shqyrtimi i parë i Projektligjit nr.10/L-024 për Lëndët Plasëse,

10. Shqyrtimi i parë i Projektligjit nr.10/L-029 për Provimin e Maturës Shtetërore.