Kryetari i LDK-së, Lumir Abdixhiku, derisa numërimi i votave po shkon drejt fundit, ka falënderuar të gjithë mbështetësit e partisë së tij.

Abdixhiku ka thënë se LDK ka fituar në tri komuna, “po prijmë në 5 tjera e jemi në garë për fitore edhe në 4 sosh, sonte ndjejmë veç mirënjohje e falënderim. LDK është e fortë me ju. LDK është e juaja”, është shprehur ai.

“Urime dhe fituesve të tjerë. Le të punojmë së bashku për Kosovën që e jetojmë të gjithë”, është shprehur ai.

Postimi i plotë:

Faleminderit gjithë mbështetësve të Lidhjes Demokratike të Kosovës për këtë raund të parë triumfal.

Teksa kemi fituar në 3 komuna, po prijmë në 5 tjera e jemi në garë për fitore edhe në 4 sosh, sonte ndjejmë veç mirënjohje e falënderim. LDK është e fortë me ju. LDK është e juaja!

Urime dhe fituesve të tjerë. Le të punojmë së bashku për Kosovën që e jetojmë të gjithë.