Ka filluar seanca e jashtëzakonshme e Kuvendit të Kosovës lidhur me ikjen e të rinjve të shumtë nga Kosova.
Kjo seancë është thirrur nga 41 deputetë të Parlamentit të Kosovës, pas raportimeve të shumta për numrin e lartë të të rinjve të cilët po lëshojnë vendin.
Por pavarësisht numrit shqetësues të të rinjve të cilët po largohen nga Kosova, kjo çështje nuk po duket shumë e rëndësishme për kabinetin qeveritar.
Të pranishëm në këtë seancë nuk janë asnjë prej ministrave të Qeverisë Haradinaj.
Përpos mos-pranisë së ministrave, në sallën e Kuvendit të Kosovës ka edhe numër të vogël të deputetëve, që janë të interesuar të debatojnë për ikjen e rinisë së vendit për një jetë më të mirë.