Deputetja e PDK-së, Ganimete Musliu ka thënë se kandidatura e Albulena Haxhiut për Kryeparlamentare përbën kërcënim për besimin e qytetarëve në shtet, shkruan Reporteri.net.

Ajo ka thënë se kjo krizë ka pasoja të gjata, duke krijuar hendek të institucioneve dhe nevojave të popullit.

Postimi:

Kandidatura e Albulenës për Kryetare të Kuvendit nuk është thjesht një bllokim i procesit të konstituimit të institucioneve, ajo përbën një kërcënim për besimin e qytetarëve në shtet.

Kjo situatë, e cila reflekton një krizë të thellë politike, ka pasoja të gjata për stabilitetin institucional dhe për zhvillimin e Kosovës, duke krijuar një hendek mes institucioneve dhe nevojave të popullit. Me një veprim të tillë, po ndihmohet që stagnimi të bëhet normë, duke e vendosur vendin në një rreth vicioz të dështimeve.