Ish-kryeparlamentari i Kosovës, Kadri Veseli, pas vizitës në shtëpinë e tij në Mitrovicë është nisur për në Prishtinë.
Veseli ka përfunduar tashmë vizitën në shtëpinë e tij pas arritjes nga Haga.
Gjatë vizitës në shtëpi, ai ka qenë i shoqëruar nën masa të rrepta të përcjelljes nga EULEX-i, teksa fillimisht u ndal tek varri i nënës së tij, Ajshe Veselit, e cila ndërroi jetë dy ditë më parë.
Kujtojmë se Kadri Veselit i ka ndërruar jetë edhe babai muaj më parë, teksa Veseli vazhdon të mbahet në paraburgim nga Gjykata Speciale në Hagë.