Një person ka kanosur nënën dhe gruan e tij në Gjilan

​Një rast i dhunës në familje është raportuar të shtunën në Gjilan, me ç’rast është arrestuar një person.


I dyshuari sipas policisë ka kanosur nënën dhe gruan e tij.

“Gjatë kontrollimit tek i dyshuari është gjetur dhe konfiskuar një thikë”, thuhet në raportin e policisë.

Me vendimin e prokurorit, i dyshuari dërgohet në qendrën e mbajtjes. Sipas statistikave të Policisë së Kosovës, vetëm në muajin janar dhe shkurt të këtij viti janë evidentuar 213 raste të dhunës në familje.