Një protestë e madhe “Ecni për Likën, ecni për Kroacinë” u mbajt në Zagreb të shtunën për shkak të një skandali të madh që përfshinte dhjetëra mijëra ton mbeturina të rrezikshme të hedhura në zonën e Gospiqit.

Dhjetëra mijëra protestues u mblodhën në sheshin “Ban Jelaçiq” të Zagrebit, transmeton gazeta online Reporteri.net.

Dy pankarta të mëdha u shfaqën në shesh: “Lika nuk është depoja e mbeturinave e BE-së” dhe “Toka e lagur me gjakun e veteranëve është sot një deponi plehrash”.

Organizatorët po i kërkojnë Qeverisë të paraqesë të gjithë programin e sanimit brenda 20 ditëve dhe të largojë urgjentisht 33,000 ton mbeturina të varrosura në Gospiq.

Ata gjithashtu kërkojnë që Deponia e Mbeturinave të Qytetit “Rakitovac” të përfshihet në Planin e Menaxhimit të Mbeturinave. Gjithashtu, monitorim afatgjatë dhe gjithëpërfshirës që përfshin angazhimin e ekspertëve të pavarur të cilët do të zhvillojnë një plan gjithëpërfshirës monitorimi afatgjatë dhe një vlerësim të pavarur të rrezikut.

Çështja është bërë edhe më e madhe sepse një pjesë e mbetjeve dyshohet se janë importuar nga Italia dhe vende të tjera, ndërsa protestuesit akuzojnë qeverinë e kryeministrit Andrej Plenković për reagim shumë të ngadaltë./Reporteri.net/