Kryetari i Komisionit për Punë të Jashtme në Bundestagun gjerman, Michael Roth përmes një postimi të bërë në platformën “X”, ka thënë se Serbia në krye me presidentin Aleksandar Vuçiqi nuk ka asnjë mënyrë që të hyjë në Bashkimin Evropian, shkruan Gazeta Online Reporteri.net.

Ai tutje ka thënë se perspektiva e anëtarësimit në BE nuk vlen vetëm për Serbinë por për të gjitha vendet e Ballkani Perëndimor.

Roth shkruan se nuk ekziston një gjë e tillë “ose Serbia ose Kosova”.

“Presidenti Vuçiq keqkuptoi diçka. Perspektiva e anëtarësimit në BE nuk vlen vetëm për Serbinë, por për të gjitha shtetet e Ballkanit Perëndimor, përfshirë Kosovën. Nuk ka gjë të tillë si “ose Serbia ose Kosova”. Por Vuçiq ka të drejtë, me të në krye nuk ka asnjë mënyrë që Serbia të hyjë në BE”, ka shkruar Roth në platformën “X”.

Präsident Vucic hat da etwas missverstanden. Die EU-Beitrittsperspektive gilt nicht nur für Serbien sondern für alle Westbalkan-Staaten inklusive Kosovo. Ein „entweder 🇷🇸 oder 🇽🇰“ gibt es nicht. Aber Vucic hat recht, mit ihm an der Spitze führt kein Weg Serbiens in die EU. https://t.co/50WGRRLy4J

— Michael Roth – official 🇪🇺🇺🇦🇮🇱 (@MiRo_SPD) March 19, 2024

Kjo deklaratë e Roth vjen pasi presidenti Vuçiqi kishte thënë se perëndimi do duhej të zgjedhte mes Serbisë ose Kosovës./Reporteri.net/