Kancelari i Gjermanisë, Olaf Scholz do të takohet me presidentin e Serbisë, Aleksandar Vuçiq më 19 korrik në Beograd.
Vizitën e kancelarit gjerman e ka konfirmuar zëdhënësi i qeverisë gjermane, Steffen Hebstreit.
Gazeta serbe Danas ka raportuar se fokusi do të jetë në çështjet e politikave ndërshtetërore, si dhe ato ndërkombëtare dhe evropiane.
Të dy liderët pritet të marrin pjesë më pas edhe në “Samitin e lëndëve të para të rëndësishme”, ka thënë zëdhënësi i qeverisë gjermane.
Si pjesë e samitit, Danas raporton se do të nënshkruhet një memorandum mirëkuptimi midis Serbisë dhe Komisionit të BE-së për partneritetin strategjik për lëndët e para të qëndrueshme, zinxhirët e prodhimit të baterive dhe automjetet elektrike.
Më pas, rreth orës 10:50 është planifikuar një konferencë e përbashkët për shtyp për kancelarin Scholz dhe presidentin serb Vuçiq.