Përfaqësuesit e shumicës së vjetër/re parlamentare të dalë nga zgjedhjet e 20 gushtit 2020 kanë vazhduar tashmë në takimin e tetë për të konkluduar një marrëveshje për arritjen e formimit të qeverisë së re malazeze, raportoi portali malazez i lajmeve “AntenaM”, transmeton gazeta online Reporteri.net.

Takimi i nisur që nga ora 11:00 nuk ka sjellur rezultat, derisa palët kanë dalë në pauzë deri në ora 14:30.

Në takim erdhën liderët e Frontit Demokratik Andrija Mandiç dhe Milan Knezheviç, përfaqësuesit e URA-s Mileta Radovaniç dhe Zoran Mikiç, demokratët Zdenka Popoviç, Dragan Krapoviç dhe Danilo Saranoviç.

Në takim janë edhe lideri i Partisë Popullore Socialiste Vladimir Jokoviç, Mali i Zi i Bashkuar Goran Daniloviç, Civisa Srxhan Paviçeviç, Demosa Miodrag Lekiç, kryetari i Partisë Punëtore Maksim Vuçiniç dhe Prava Montenegro Marko Milaçiç.

Afati deri në të cilin presidenti Milo Gjukanoviç duhet të emërojë mandatarin për përbërjen e qeverisë së re skadon sot. /Reporteri.net/.

Sot afati i fundit për caktimin e mandatarit për qeverinë e re të Malit të Zi