Ka vdekur Ankica Tuxhman, gruaja e presidentit të parë të Kroacisë së pavarur, Franko Tuxhman, raportuan mediat kroate.

Ajo ishte 96 vjeç, shkruan Gazeta Online Reporteri.net.

Ankica Tuxhman, me emrin e vajzërisë Zhumbar, ka lindur në vitin 1926 në Zagreb. Ajo u takua me Franjo Tuxhmanin në vitin 1944 dhe u martuan një vit më vonë. Atyre u lindën tre fëmijë.

Reklamë

Ish-zonja e parë ishte anëtare e partisë HDZ derisa Ivo Sanader e revokoi anëtarësimin e saj. Më vonë ajo iu bashkua partisë dhe Tomislav Karamarko madje i dha një kartë nderi me numrin 002.

Pas vdekjes së të shoqit, Ankica Tuxhman u tërhoq nga jeta publike derisa botoi librin “Moj život s Francek” (Jeta ime me Francekun, op. a.) në vitin 2006.

Një nga aferat më të mëdha të epokës së Tuxhmanit ishte lidhur edhe me Ankicën, transmeton Dnevnik.hr.

Ankica Tuxhman i kaloi vitet e fundit në vilën familjare në Zagreb, ku redaktoi arkivat e bashkëshortit të saj të ndjerë./Reporteri.net/