Policia e Kosovës ka bërë të ditur se përgjatë së shtunës, pjesëtarë të komunitetit serbë kanë vendosur automjete dhe mjete të rënda në rrugë nacionale të komunave të Leposaviçit, Zveçanit dhe Zubin Potokut.

Për krijimin e këtyre barrikadave, serbët në veri po përdorin kamionë, të cilat më herët i kishin marrë si donacione nga Bashkimi Evropian, shkruan Gazeta Online Reporteri.net.

Në një fotografi që ka shpërndarë gazetarja Kaltrina Zymberi, shihen se si këta kamionë, donacion i BE’së, po shfrytëzohen nga qytetarët serbë për t’i bllokuar rrugët.

Ironike: Me donacione te BE-se, serbet e Veriut barikadojne rruget ne Rudare. pic.twitter.com/HbBy2KVzUh

— Kaltrina Zymberi (@KaltrinaZymberi) December 10, 2022

Kujtojmë se si pasojë e barrikadave, Policia e Kosovës njofton se janë mbyllur pikat kufitare në Jarinjë dhe Bërnjak. /Reporteri.net/.