Dallgë deri në 4.5 metra në Vlorë, nga ora 16:00 ndalohet lundrimi për mjetet e vogla e peshkimin

Mjetet e vogla lundruese dhe anijet e peshkimit nuk do të lejohen të lundrojnë në det të hapur jashtë Gjirit të Vlorës për shkak të motit të keq.

Ndalimi nis sot në orën 16:00 dhe do të zgjasë deri në mëngjesin e 14 nëntorit, në orën 06:00.

Anijet e transportit ndërkombëtar do të vijojnë normalisht lundrimin sipas destinacioneve.

Sipas parashikimit, gjatë këtyre ditëve era do të ketë forcë 7-8 ballë, shpejtësi 20-35 m.s, ndërsa dallgët do të arrijnë lartësi 2–4.5 metra.