Si pasojë e aksidentit të shtunën në fshatin Duhlë, humbën jetën dy të rinj nga Lipjani, Leonard Retkoceri dhe Sahit Tmava, si dhe një i ri nga Prishtina, V.H.
Gjatë natës së mbrëmshme në komunën e Lipjanit u ndezën qirinj në kujtim të këtyre të rinjve që humbën jetën.
Varrimi i trupave u bë sot në varrezat e fshatit Llugaxhi.
Gjatë ceremonisë së varrimit Kryetari, Imri Ahmeti në emër të Institucioneve lexoi telegram ngushëllimi.
E nderuara familje Retkoceri dhe Tmava
E dashura rini, të dashur qytetar të Llugaxhisë dhe Lipjanit në emër të Komunës së Lipjanit dhe në emër tim ju shprehë ngushëllimet me rastin e ndarjes nga jeta të Leonardit dhe Sahitit.
Lajmi i keq, lajm i kobshëm i datës 16 mars në orët e pasdites na ka pikëlluar thellë të gjithë ne qytetarët e Lipjanit.
Ndarja nga jeta e Leonardit e Sahitit kaq e hershme, e pa pritur është humbje për familjen për rinin e Lipjanit dhe për gjithë komunën tonë.
Leonard e Sahit do të na mungoni përherë.
I lehtë qoftë dheu.