Zyrtare: Tuneli i Mitrovicës hapet nesër

Tashmë është zyrtare, tuneli i Mitrovicës do të hapet nesër. Kështu njofton Ministria e Infrastrukturës përmes një komunikate.


Përurimi i këtij tuneli do bëhet saktësisht 23 javë që nga koha kur është futur në fazë të renovimit.

“Të enjen(02.05.2019) pas rinovimit të tërësishëm nga MIT-ja me fillim në ora 14:00, përurohet tuneli në hyrje të Mitrovicës”, thuhet në njoftimin e MIT.

Kujtojmë se Reporteri.net raportoi sot se tuneli i Mitrovicës hapet nesër.

Kujtojmë se për vonesat që ishin bërë në hapjen e këtij tuneli javën e kaluar ishin organizuar edhe protesta në shenjë pakënaqësie për zvarritjen e punimeve.

Ndryshe, për shkak të mosfunksionimit të këtij tuneli, qytetarët me automjetet e tyre shfrytëzojnë rrugën alternative për kyçjen në qytet, ndërsa brenda qytetit shpesh krijohen kolona.

Ky projekt që financohet nga Ministria e Infrastrukturës e që ka kosto rreth 380 mijë euro, ka filluar në nëntor 2018 dhe është paraparë të përfundojë brenda 60 ditësh. /Reporteri.net/.

Zyrtare: Ministria vendos kur do ta hap tunelin e Mitrovicës