Reperi Arkimed Lushaj, i njohur me emrin artistik Stresi, është liruar nga paraburgimi.

Ai është liruar pasi pagoi dorëzaninë me vlerë 20 mijë euro.

Kështu ka konfirmuar për Gazetën Online Reporteri.net zëdhënës i Prokurorisë Themelore të Pejës, Shkodran Nikçi.

“Personi i dyshuar me inicialet A.L., është paraqitur dje në stacionin policor, dhe pas intevistimit me urdhër të Prokurorit të Shtetit është ndaluar për 48 orë. Prokuror i Shtetit brenda afatit ligjor ka parashtruar kërkesë për caktimin e masës së paraburgimit, ndërsa gjatë seancës dëgjimore sot, Prokurori i Shtetit ka propozuar masën e dorëzanisë,  e cila është aprovuar nga Gjykata në shumën prej 20 mijë euro, që do të jetë garancë që personi i pandehur do jetë prezent në procedurat sa herë që ftohet nga organet e rendit në këtë çështje penale”, tha Nikiçi për Reporteri.net.

“I njëjti dyshohet për vepën penale, ndihmë në kryerjen e veprës së rëndë penale – lëndim trupor. Pasi kemi pranuar disa ekspertiza për lëndime të lehta trupore të shkaktuara ndaj viktimave me siguri kjo vepër penale do të rikualifikohet”, përfundoi ai.

Reperi stresi u vetëdorëzua dje në Policinë e Kosovës, pasi ishte në kërkim për më shumë se dy muaj.

Stresi vetëdorëzohet në Policinë e Kosovës