Interesante, stadiumi i Shkupit do të mbajë emrin e një këngëtari

Stadiumi i Shkupit, i cili deri më tani mban emrin “Philipp II Arena”, sipas mediave nga Maqedonia, do të mbajë emrin e këngëtarit “Tose Proeski”.


Proeski ka ndëruar jetë në një aksident tragjik automobilistik, në tetor të vitit 2007, por mbahet mend në Maqedoni, pasi ka përfaqësuar shtetin e tij në “Eurovision” në vitin 2004 me këngën “Life”, duke zënë vendin e 14-të.

Pra në nder të këtij këngëtari, stadiumi ka marrë emrin e tij.

Stadiumi nuk përdoret vetëm për ndeshje futbolli, por është multifunskional duke u përdorur për koncerte dhe evente atletike, pasi ka një kapacitet prej afro 34.500 vendesh.