Milot Rashica ka qenë senzacioni i Bundesligës këtë sezon duke shkëlqyer me ekipin e tij Werder Bremen.
Forma e mirë e yllit vushtrrias ka bërë që shumë klube të interesohen për shërbimet e talentit 22-vjeçar, shkruan Reporteri.net
Skuadra e fundit pas gjurmëve të Milot Rashicës është ekipi që është formuar vetëm në vitin 2009 por që bën pjesë në garat e Ligës së Kampionëve, RB Leipzig.
Sipas së përditshmes BILD, klubi që pozicionohet në vendin e tretë ka kërkuar shërbimet e Milot Rashicës.
Rashica ka kontribuar në plot 11 gola dhe 6 asistime për Werderin këtë sezon, statistika mbresëlënse këto marrë parasyshë që ka filluar të aktivizohet vetëm në pjesën e dytë të sezonit.
Megjithatë për Rashicën kanë shprehur interesim edhe skuadrat e njohura si Napoli nga Serie A dhe Crystal Palace nga Premier League./Reporteri.net/