Kombëtarja e Kosovës në grupmoshat U19, nuk ka arritur të fitojë asnjë pikë në kualifikueset për Kampionatin Evropian U19.
Pavarësisht që kishte një gjeneratë të mirë, “Dardanët” e rinj pësuan disfata nga Belgjika, Skocia dhe Kazakistani.
Kosova U19 fillimisht u mposht nga Belgjika U19 me rezultat 2-0. Në këtë ndeshje, djemtë tanë zhvilluan një paraqitje solide pavarësisht humbjes ndërsa edhe ishin afër disa herë për të shënuar.
Të pafat ishin edhe ndaj Skocisë U19, ku u mposhtën me rezultat 1-0. Në këtë ndeshje, Kosova ishte më e mirë mirëpo sërish dështuan t’i konkretizojnë aksionet.
Ndërsa, në fund, Kosova U19 u mposht nga Kazakistani me rezultat minimal 0-1. Kështu, Dardanët e rinj i mbyllin këto kualifikuese pa pikë dhe pa goal të shënuara. Të tri kombëtaret tjera kalojnë në fazën e dytë.
Kësisoj, Kosova në kualifikueset e radhës do të luajë sërish në Ligën B.