Kaos dhe trazirë shpërtheyen në stadiumin Salt Lake në Kolkata të shtunën, ndërsa mijëra tifozë të futbollit, të zemëruar nga vizita jashtëzakonisht e shkurtër e ikonës argjentinase Lionel Messi në stadium, thyen karrige, grisën pankarta dhe hodhën shishe uji në tokë.

“Ne paguam kaq shumë për biletat dhe nuk mundëm ta shihnim Messin. Ministrat dhe personazhet VIP janë të zënë duke bërë selfie. Atëherë pse paguam kaq shumë”, dëgjohej të pyeste një tifoz i zemëruar, transmeton Klankosova.tv

Të shtunën, tifozët e futbollit ishin mbledhur në stadiumin Salt Lake pasi kishin paguar mijëra rupi për të parë fituesin e Kupës së Botës.

Reklamë

Messi doli në fushë mes brohoritjeve të forta nga tifozët në galeri. Megjithatë, atmosfera ndryshoi shpejt pasi turma filloi të fishkëllente dhe të shprehte zemërim kur nuk arritën ta shihnin siç duhet Messin, pasi ai ishte i rrethuar nga personeli i sigurisë.