Sulmuesi Jhon Duran është lidhur me një transferim befasues tek Real Madridi pasi e ardhmja e tij tek Aston Villa është e pasigurt.
21-vjeçari ka qenë në një formë të shkëlqyer këtë sezon, pasi ka regjistruar 12 gola në 28 ndeshje për ekipin e Unai Emery.
Natyrisht, një vend titullari në formacionin e Villas nuk është i garantuar, me Ollie Watkins që duket se është i preferuari i trajnerit.
Si rezultat, kolumbiani është lidhur me një largim të mundshëm nga Liga Premier dhe tashmë është mësuar se cili mund të jetë destinacioni i tij i radhës.
David Ornstein kishte raportuar se West Hami ka bërë një ofertë prej 57 milionë eurosh për transferimin e Duran, e cila më pas u refuzua.
🚨EXCL: 🟣🇨🇴 #PL |
‼️ Real Madrid think about Jhon Duran and could move on the Colombian 🇨🇴
🔥 But despite the interest of european giants like PSG & Real Madrid, the striker is considering a move to Al-Nassr 🇸🇦
➡️ Meanwhile, Real Madrid could loan Endrick @footmercato pic.twitter.com/kD3IM84VJp
— Santi Aouna (@Santi_J_FM) January 24, 2025
Sidoqoftë, ky raport shpjegoi se Villa nuk është e interesuar për ta shitur sulmuesin e tyre gjatë afatit kalimtar të janarit.
Tani, sipas Foot Mercato, Real Madridi i është bashkuar PSG-së në garën për të siguruar shërbimet e Duran.
Megjithatë, nëse Duran dëshiron një pozitë titullari në ‘Santiago Bernabeu’, kjo mund të jetë e vështirë pasi Kylian Mbappe është sulmuesi i preferuar i Carlo Ancelottit momentalisht.
Përkundër thashethemeve për një lëvizje, Duran ka kontratë me Villan deri në 2030 pasi ai së fundmi nënshkroi një kontratë të re./Telegrafi
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.