Anel Rashkaj, ish-kapiteni i Kombëtares së Kosovës në futboll, është rikthyer në reprezentacion pas një kohe të gjatë.
Ai është përfshirë në listën e Bernard Challandes për ndeshjen kundër Malit të Zi dhe Bullgarisë, të cilat zhvillohen më 7 respektivisht 10 qershor, raporton Periskopi.
Kujtojmë se Rashkaj ishte kapiten i Kosovës në fillim të periudhës së Albert Bunjakut në stolin e trajnerit, por problemet me lëndime ia pamundësuan atij aktivizimin e mëtutjeshëm në Kombëtare.
Rashkaj aktualisht luan për Eskilstunën në elitën e futbollit suedez.
29-vjeçari pritet të zëvendësojë të lënduarin, Hekuran Kryeziun, në zemër të mesfushës.