Stuhia Boris po godet rajonet verilindore dhe qendrore të Italisë, disa ditë pasi shkaktoi përmbytje të përhapura në Evropën Qendrore.

Më shumë se një mijë banorë në rajonin verilindor të Emilia Romagna janë evakuuar, ndërsa qytetet në rajonin qendror të Marche të Italisë raportuan përmbytje të rënda dhe ndërprerje.

Ndërkaq nuk raportohet për viktima.

Shkollat ​​në të gjithë Emilia Romagna janë mbyllur. Disa rrugë janë prekur nga rrëshqitjet e dheut dhe trafiku hekurudhor është ndërprerë rëndë.

Autoritetet paralajmëruan banorët që të qëndrojnë jashtë bodrumeve të tyre dhe të zhvendosen në katet e sipërme të shtëpive të tyre.

Shkollat, bibliotekat dhe parqet u mbyllën në Ravenna dhe Universiteti i Bolonjës anuloi provimet dhe mësimet./BBC