Shefja e deputetëve të Lëvizjes Vetëvendosje, Mimoza Kusari-Lila ka festuar sot ditëlindjen e saj të 49-të, vetëm pak ditë pasi asaj i dolën në publik komunikimet me terroristin Milan Radojiciq.

Në mbrëmje Kusari-Lila ka publikuar fotografi nga festimi i ditëlindjes së saj.

Përveç fotografive me familjarët, Kusari-Lila ka publikuar edhe festimin me bashkëpartiakët e saj, përfshirë këtu edhe kryeministrin Albin Kurti e Dejona Mihalin, zyrtare e lartë dhe drejtuese e komiteteve të VV-së, e cila ditë më parë është intervistuar edhe nga Prokuroria Speciale për disa raste që janë në hetim e sipër.

“Faleminderit që ishit pjesë e një dite të mbushur me urime dhe dashuri! Duke festuar jetën dhe çdo bekim që ajo sjell me njerëzit më të dashur.”, ka shkruar Kusari-Lila.

Kjo ditëlindje e gjen Kusari-Lilën duke u përballur me përgjimet e bisedave që ajo ka zhvilluar më kriminelin serb nga Veriu dhe të sanksionuarin e SHBA-së, Milan Radojicic dhe disa biseda të tjera me politikanin serb, Sllavko Simic, të cilin e ka qujatur edhe “brate”.